إختراع النسيان !

رغم إقتناعي الشديد زمان إن مفيش حاجة إسمها نسيان....مفيش حاجة إسمها getting over حاجة أو حد نهائيا....كنت بنصح بيها الناس بس مش مقتنعة إني ممكن يجي يوم أعرف أعملها.....و و انا بفكر في الموضوع أصلا كنت ديما بسأل نفسي : هو أنا أمتي أعرف إني فعلا خلاص
"I GOT OVER IT"
إكتشفت إنه النسيان مش موضوع وقت....ساعات كتير بيعدي عليك وقت طويل بعيد عن الحاجة أو الحد اللي كنت بتحاول تنساه بس مبيجيبش نتيجة....مش عشان الوقت بينسي الناس كلها بس جه عليك و قرر يبقي رخم !
بس عشان الوقت ده بيعدي و انت لسة متمسك بذكرياتك....عاملة زي الجدور اللي لسة رابطاك في الأرض...مش عارف تتحرر منها....بس في نفس الوقت فاكر إنك كدة بتعدي و بتنسي.... ! 
بعد فترة....و بعد ما تعدي عليك سنين كتير و إنت فاكر إنك بطل و خلاص نسيت....تلاقي جدورك في الارض قررت تشدك لتحت و بقوة....إنت مش فاهم هي جابت القوة دي منين....ده إنت كنت فاكر إنك خلاص نسيت ....فتكتشف إن نسيانك كان سطحي....كنت من برة فاكر إنك نسيت....بس الحقيقة إن الجدور قوتها مقلتش ولا لحظة ! مقلتش عشان ملقتش اللي يقف في وشها....ملقتش اللي يقطعها من الارض خالص.....إنت مفيش يوم من السنين الكتير اللي عدت عليك قررت تقطع جدورك فيها....عمرك ما فكرت حتي إن ممكن تكون لسة مربوط بالماضي و الوقت عدي من غير أي فرق !

بس في اللحظة اللي بتواجه فيها الحقيقة دي....سواء بسبب موقف ، مكان ، او حتي شخص يجي يفكرك.....بتبقي هي دي اللحظة اللي بتقرر فيها انك تقطع الجدور ! بتبقي لحظة بتساوي السنين اللي عديتها كلها و انت لسة مربوط بالذكريات.....
و بعد ما بتقرر تقطع الجدور بتكتشف بجد إن فيه إختراع إسمه "النسيان".....بتكتشف القدرة اللي ربنا اودعها فينا إننا ن get over و ميبقاش جوانا ولا حاجة حتي ولو صغيرة !
و ساعتها بس هتتخض من نفسك لما تلاقي نفسك إتحطيت في موقف كان ممكن زمان ميعديش عليك بسهولة خالص...بس دلوقتي عشان مبقاش فيه جدور  ربطاك فبقي أسهل مما يمكن !

خايف أقابله !!

من ساعة وفاة أحمد الجبلي و أنا فيه فكرة واحدة مسيطرة علي دماغي : أنا لو كنت مت الموتة بتاعته دي كنت هبقي مستعدة ؟!
السؤال ده أما اي حد بيسأله لنفسه مهما كان كويس بتبقي إجابته ديما ﻷ.....عمرك ما هتلاقي حد مستعد لمقابلة ربنا....إنت رايح تقابل العظيم...اللي ياما غلط و سامحك...اللي ياما زعلته و كرمك....هقابله بأنهي وش؟؟ ايه يعني عملت ايه في دنيتي عشان استحق أدخل الجنة ؟! طبعا هتقول ولا أي حاجة !
طب استني كدة شوية.... هو انت عملت أيه في دنيتك عشان يرزقك بالصحة و الستر و المال و أهلك و صحابك و كل النعم اللي انت عايش فيها دي !
هو إنت فاكر إنك هتدخل الجنة بعملك ؟ احنا بندخل الجنة بكرم ربنا....عايشين بكرم ربنا....بنتنفس و ناكل و ننام بكرم ربنا....بنفرح بكرم ربنا....و نعيط بكرم ربنا !

هتقولي مانا عارف كل ده...بس برضه...مفيش حد هيدخل الجنة و هو معملش أي حاجة كويسة؟؟ يعني هدخل الجنة عشان كنت بصلي بس مثلا ؟!

هقولك ثانية كدة....ماهو علامة من علامات كرم ربنا هي تسهيل الوصول لرضاه....ربنا مسهلها علينا أوي بس إحنا اللي مصريين نصعبها....عادل و هيحاسبنا علي ذنوبنا اه....بس هو برضه اللي قلنا : "و أتبع السيئة الحسنة تمحها ".....هو اللي بيحسب السيئة سيئة واحدة و الحسنة بعشرة أمثالها....هو اللي لما بتنوي تعمل سيئة و متعملهاش بيكتبهالك حسنة....هو اللي حساباته مختلفة عن أي حسابات دنيوية....عند ربنا 1+1 =  بتعرف تعد لحد كام !!

الفكرة اللي وصلتلها اللي لو عيشنا بيها بجد هنوصل للجنة
"و إتقوا يوما ترجعون فيه إلي الله"
يعني نغير جوانا إحساس "بعد الشر" اللي بنحسه اما حد بيجيب سيرة الموت....نخليه "يارب الجنة"....نشوف سيرة الموت اللي جت في القاعدة دي علي إنها تذكرة....إن ربنا بيحبنا إنه بعتهالنا.....نعيش شايفين اليوم ده و متقيين ربنا.....بنعمل ابسط و أعظم الحاجات عشان نوصل لرضا ربنا.....حتي لو كان إننا نعدي راجل عجوز الشارع !!

الفكرة كلها في إنك تعيش بمنهج "لعلها المنجية" بدل "هو أنا بعمل ايه عشان ادخل الجنة".....تخاف من يوم مقابلة ربنا بس ميبقاش خوف مرضي يخليك مش بتعمل حاجة عشان تجهز لليوم ده...أحمد الجبلي كان متصور عند قبره....كان متصالح مع فكرة الموت...بس مدفنش نفسه بالحيا....عاش و ساب بصمة في الدنيا تجهزه لليوم ده !!

الخلاصة حب الدنيا عشان نعمة من ربنا بس عيش شايف حياتك في الأخرة....زي ما بتحوش عشان تتجوز و تجيب بيت...حوش حسنات عشان تجيب قصر في الجنة.....متقعدش تحسبها كتير....في الأخر إحنا هنعيش و نموت بكرم ربنا.....ربنا اللي مفيش أكرم و لا أحن منه علينا....يبقي مهما ذنوبنا كترت....خلينا نعيش مؤمنين إن كرم ربنا كبير أوي و إننا هندخل الجنة بيه....صدقوني هنرتاح كتير ! 

الحلو هيعيش !!

#الحلو_هيعيش
كنت قاعدة بفتكر يوم من الفترة اللي كانت بعد العملية....و  قد أيه اليوم ده كنت مبسوطة فيه جدا....فعلا كنت بضحك من قلبي....بعد شوية لقيتني بضحك أكتر....أكتشفت إن ده كان أكتر يوم تقريبا كنت تعبانة فيه....ضحكت إني إفتكرت  إحساسي الحلو و نسيت إني كنت تعبانة !
فإكتشفت حاجة.....إكتشفت إن في الأخر الأحساس اللي هيكمل معاك هو الإحساس الحلو.... هتفتكر فرحتك بنجاحك في ثانوي....يوم كنت فرحان فيه اوي مع صحابك....اول يوم قابلت فيه شخص غيرلك حياتك....يوم ضحكت فيه من قلبك من كتر التعب....الإحساس الحلو هو اللي هيعيش....و لو فتشت في الأيام دي شوية اللي كلها مربوطة في ذهنك بإحساس حلو....هتلاقي إن كان فيه إحداث وحشة في اليوم....بس لما إفتكرت اليوم إفتكرت إحساسك الحلو بس و نسيت الوحش  !!
بس الأيام الوحشة مش كدة....الأيام الوحشة بتتنسي.....إحساسنا الوحش اللي حسيناه فيها بيفضل آه  مكمل معانا فترة بنفس القوة....بس بعديها قوته بتقل لحد ما تضعف تماما....و تتحول قوة الإحساس ده لحاجة محفورة جواك علمتك درس قوي جدا.....حاجة بقت حتة منك ....جزء من شخصيتك....حتي مش هتفتكر إنت قبلها كنت عامل إزاي .....
يبقي مهما عديت بأيام صعبة و وحشة.....اوعي تيأس ....صدقني مش هتفتكرها....هتنساها و أما هتبص وراك كل اللي هتفتكره  هي الأيام الحلوة و الإحساس الحلو اللي سابته جواك و اللي عمرك ما هتنساه مهما عدت عليك أيام وحشة !!

عشان كدة كل ما تعدي بوحش....إخلق ذكريات حلوة بعديه...إضحك...إفرح من قلبك....فرح اللي حواليك....عشان هو ده الإحساس اللي هيفضل جواك و جواهم....الوحش مصيره يتنسي و الحلو هيعيش !

حب من طرف واحد !!

ناس كتير بتكلم عن الحب....قد أيه حلو إنك تحس إنك بتتحب.....قد أيه حلو إن حد يخاف عليك....يغير عليك....يحسسك بقيمتك في حياته....قد أيه حلو إن حد يؤمن بيك....إنك قوي و إنك تقدر تغير في الدنيا....قد أيه حلو  إنك تحس إنك أحلي حاجة حصلتله في حياته.....

لكن.....و ما أدراك ما كلمة "لكن " دي !!
للأسف مش كل الحب حلو....مش كل مرة قلبك هيتحرك فيها هتبقي هي دي المرة.....مش كل مرة هيتقالك بحبك هتبقي حابب تسمعها !!

الناس كلها أما بتكلم عن الحب بتكلم عن إنه حاجة مشتركة بين إتنين....شعور متبادل....طريق إتجاهين مش إتجاه واحد !!  بس مفيش حد بيكلم عن الطريق ده لما بيكون إتجاه واحد....عشان كدة جيت أكلم عنه النهاردة !!
الحب من طرف واحد....اوحش حاجة في الدنيا....إنك تحب حد و هو مش شايفك أصلا....أو إن حد يحبك و تبقي متأكد إنك عمرك ما هتعرف تخلي طريقكم  إتجاهين !!
الفكرة إن ناس كتير بتفتكر إن الحب من طرف واحد ده بيكون و إحنا لسة عالبر....يعني حبيت فلان و صرفت نظر عشان محبنيش أو العكس....بس الحقيقة إن فيه ناس كتير أوي بيعيشوا سنين سوا و بعدين يكتشفوا إن طرف واحد بس اللي كان بيحب التاني...طرف واحد اللي كان بيدي....اللي كان بيهتم....لما تشوفهم سوا تقول بس شكلها بتحبه أكتر.....

بس الحقيقة إن علي قد ما الحب ده بيوجع أوي الطرف الواحد اللي بيحب....علي قد ما الحب ده بيكون من أصدق أنواع الحب.....بتحب اللي قدامك حتي و هو مش حابك....مش بيديلك أي حاجة في المقابل....شايفه أحسن حد في الدنيا حتي و هو مش شايفك أساسا !!

طبعا ناس كتير أما بتتعرض للحب من طرف واحد ده بتسأل نفسها....هو لما محبش الشخص اللي بيحبني كدة أبقي بتبطر ؟؟؟ يعني ربنا هيحرمني من نعمة إني أتحب تاني بسبب إني معرفتش أحب اللي حبني ؟؟

هقولك يا سيدي...مفيش حاجة إسمها ربنا هيعاقبني عشان "معرفتش" و بالذات أما الموضوع يبقي ليه علاقة بالحب....ربنا أصلا كاتبلك مين اللي هتبقي من نصيبه في الأخر....فلو معرفتش تحب اللي حبك يبقي ولا هو مكتوبلك ولا انت مكتوبله !!

طب يعني مش حرام أكسر بخاطر اللي حبني ؟؟ طب ما أجرب؟؟ مش يمكن أعرف أحبه ؟!

هقولك علي حاجة إنك تحاول تحبب نفسك في حد ده ميبقاش أسمه حب أصلا....ده هيبقي رد فعل لحبه هو....و كدة إنت هتبقي بتظلمه اكتر من إنك تبينله إنك مش عارف تحبه من الأول !! هتكسر بخاطره بجد أما يحس إنك حبيته عشان صعبان عليك اللي بيعمله عشانك....صدقني هتبقي بتوجع قلبه أكتر !

لكن الصح...إنك لو اتعرضت لحب من طرف واحد....إنك تنسحب بهدوء....تحاول تمشي من غير ما تتسبب في وجع ﻷي حد....تحاول تمشي قبل ما تشيل ذنب الشخص اللي هيعلق حياته بيك عالفاضي....حاول تمشي و صدقني وجعه من إنك مشيت عمره ما هيكون قد وجعه إنك تفضل معاه و إنت مش عارف تحبه !! 

مراية الحب عامية

"مراية الحب عامية"
الجملة الشهيرة....."اللي بيحب حد مش بيشوف عيوبه"...الجملة اللي كننا فاهمينها غلط طول حياتنا....."مش بيشوف عيويه" طلعت كدب.....الحقيقة إنه بيشوفها و بيبقي عارفها كويس أوي....بس بعد ما عرفها لسة بيحبك.....الفكرة إن كلمة عامية هنا بتعبر عن العمي اللي بنتعمده مش اللي بيجيلنا و إحنا مش واخدين بالنا.....يعني شايفين العيوب بس متعمدين نتغاضي عنها....شايفنها بس لسة حابين اللي قدامنا علي بعضه....

طبعا الكل دلوقتي فاكرني بكلم عالحب اللي أخرته جواز....بس الحقيقة أني بكلم عن الحب عموما....حب الصحاب....الأخوات....الأهل....بنفضل نحب بعض حتي و إحنا عارفين بلاوي بعض....بنفضل شايفين إن دول احسن ناس في الدنيا الناس اللي إحنا بنحبهم.....مش عايزين حد من الدنيا غيرهم.....و إحنا زعلانين منهم بنبقي زعلانين إن فايتهم حكايات كتير عننا....بتحس إن قدرك بقي مربوط بيهم....مينفعش الحياة تمشي من غيرهم !

المهم إن المبدأ ده إحنا كتير مش بنمشي بيه في حياتنا ....كتير أوي بنبقي مركزين مع العيوب...مع الوحش بس....كأننا إكتشفناه فجأة....مع إننا عارفينه من الأول و راضيين بيه...فجأة المراية بتبقي عامية عن المميزات....مع إننا عارفين إن الناس دول بالنسبة لنا حاجة كبيرة أوي...

بس بتيجي بعد كدة و تكتشف إن الحب ده حاجة unconditional. ...مش مربوطة بشروط....بتكتشف إن مهما فترة التركيز مع العيوب طولت هتفضل تحب الناس دي......و يمكن تحس بقيمتهم أكتر....هتحس إن العيوب اللي مش بأيديهم يغيروها هي سبب في تركيبتهم....تركيبتهم المختلفة اللي خليتك تحبهم و تتعلق بيهم أكتر.....و العيوب اللي بأيديهم يغيروها هي يمكن سبب وجودك في حياتهم.....إنك تبقي جهاز الإنذار بتاعهم....إنك تساعدهم يظبطوا حياتهم أما تبوظ.....إنك تساعدهم يبقوا أحسن مش عشانك...عشان نفسهم ....ﻷن إنت كدة كدة بتحبهم علي بعضهم !!

Trust the journey

Maybe we lose parts of ourselves along the way....we may no longer become familiar with our new selves.....
maybe we feel so stressed trying to get our old selves back....we may no longer keep track with why we're going that way....
maybe we lose faith in our self understanding ....we may no longer know what we're waiting for to bring us back to happiness.....
But maybe the moral of losing is recreating. ...recreating new selves....new hearts...and  new souls.....if we were meant to stay the same way ,we would have never lost parts of us along the way....if the journey wouldn't need new versions of us , we wouldn't have been recreated...
That's why we should learn to trust the journey even when we can't understand it !!

أيهما أقوي : جسدي أم نفسي ؟!!

بقالي فترة بفكر في سؤال واحد ناس كتير ممكن تكون مشاركاني فيه و بتسأله لنفسها..."هو التعب النفسي أقوي ولا التعب الجسدي؟"....
زمان أما كنت بسأل نفسي السؤال ده كان أول إجابة بتيجي في بالي التعب الجسدي طبعا....بس بعد  خبرة كبيرة مع التعب النفسي استقريت إن التعب النفسي أقوي...يمكن بسبب إن مدته أطول مثلا....أو إن ملوش علاج....أو إن بيبقي صعب جدا إنك توصف حالتك أو اللي إنت حاسه....أو إن التعب النفسي ساعات بيتسبب في تعب جسدي مبتعرفش تلاقيله حل ﻷن سببه مش عضوي....أو إن مع تكرار التعب النفسي بيبقي صعب تقاومه بعد فترة....فضلت أطلع في أسباب و أقول إن أكيد عشان كل ده التعب النفسي هيكسب في القوة !

بعدها بمفيش ربنا إبتلاني بتعب جسدي ربنا وحده اللي عالم كان عامل إزاي...و فضل فترة برضه و بعدها عملية..و بعدها تعب ما بعده تعب...و بعدها أعيا و العرض شكله  مستمر شوية ....الحمد لله طبعا  و جدا كمان ....أنا بحكي بس عن التعب ده لغرض واحد.....إني أفهمكوا الحاجة اللي وصلتلها....إكتشفت إن اللي بيقارن بين التعب النفسي و الجسدي علي أساس إن التعب الجسدي بالنسبة له أقصي حاجة فيه البرد...يبقي أكيد التعب النفسي هيكسب في القوة.....و إن اللي هيقارن بين التعب النفسي و الجسدي علي أساس إن التعب النفسي بالنسبة له أقصي حاجة فيه الزهق من الروتين....يبقي أكيد التعب الجسدي هيكسب في القوة....

بس للأسف و إحنا بنقارن مش بنبقي شايفين الصورة كاملة....مش بنبقي عارفين إن فيه أقوي من اللي إحنا حاسين بيه بس إحنا منعرفوش عشان ربنا منعه عننا رحمة بينا....مش بنبقي عارفين إن سواء تعب نفسي أو جسدي فالأتنين متعبين و إن معظم الوقت واحد منهم بيؤدي للتاني....مش بنبقي عارفين يمكن عشان مجربناش الأقوي....يمكن عشان ديما بنحكم من خلال خبرتنا المحدودة و نظرتنا الضيقة....عاملين زي اللي بيجي يتفرج علي فيلم من آخره و يحكم ده حلو ولا وحش....

بس الحقيقة إنك لو عايز تحكم و يبقي حكمك صح لازم تشوف الصورة كاملة....و يمكن أما هتحاول تشوف الصورة كاملة هتكتشف إنه الصح إنك متحكمش أصلا....ﻷن الصورة عمرها ما بتكمل في عنيك مرة واحدة....هتفضل تكمل يوم ورا يوم و تجربة بعد تجربة....بس يوم ما أقدر أقولك إن الصورة خلاص كملت في عنيك و إن حكمك هيكون صح....يوم ما تبقي مؤمن 100% ب "لو علمتم الغيب ﻷخترتم الواقع".....ساعتها عمرك ما هتقول إن اللي إنت حاسه ده أصعب حاجة في الدنيا....ساعتها هتفهم إن الدنيا كلها صعبة بس الفكرة كلها إنك تؤمن إن الصعوبة اللي بتجيلك بتعدي علي filters كتيرة اوي قبل ما تيجي عشان ربنا أحن علينا من اي حد !!

حكاية ناس !!

خلال الكام سنة اللي فاتت و مع مقابلة ناس بشخصيات مختلفة....إكتشفت حاجة مهمة جدا ....إكتشفت إن مفيش علاقة سواء صداقة/حب/قرابة بتفضل ماشية بنفس الcurve علي طول....لازم هتلاقي أوقات الcurve بيقع....بيقع أوي كمان....بيقع لما طرف من الطرفين بيبدأ يطمن إن الcurve عالي بقاله فترة....فيبدأ تلقائيا يطمن لوجود الشخص ده في حياته....فبالتالي الوقت و المجهود اللي كان بيبذله في إهتمامه بيه بيبدأ تلقائيا يقل....يفضل يقل يقل و في نفس الوقت الإهتمام ده يبدأ يتوجه ناحية حاجة/حد تاني.....يفضل الطرف التاني يحاول يزق الcurve لفوق تاني....يحاول يزق يزق.....ساعات بينجح....ساعات بيفشل....ساعات من كتر فشله بيفقد قدرته علي الزق لوحده....بيحس إنه هو بس اللي بقي هامه إن العلاقة دي ترجع زي زمان....الطرف الأول  بيبقي شبه معمي....مش حاسس إنه ممكن يكون بيضيع اللي قدامه...مش قادر يستوعب إن level الإطمئنان اللي كان عنده زمان من وجود الشخص ده مينفعش يبقي زي الأول....لازم يخاف شوية....لازم يحس بقيمة حاجات كتير أوي بينهم مينفعش يضيعها.....أصل كل فعل و ليه رد فعل....كل ما طرف واحد بيكرر وجع للطرف التاني...الطاقة بتبدأ تخلص...مبيبقاش فيه قدرة علي المناهدة...الزعيق...إنك تعبر أصلا عن إنك إضايقت من الموقف الفلاني بيبقي بالنسبة لك أصعب ما يمكن....أصلك عبرت و قلت كتير....بيبدأ يجيلك حالة تناحة....و تعب....مش قادر تزق خلاص....و أول ما بتسيب الcurve بيقع خالص.....بتحس ساعتها إنك ضيعت مجهود كبير أوي علي ناس مكنتش تستاهل....خلصت طاقتك عالفاضي !!

لو اتعرضت لده كتير في حياتك بتبدأ تتحول لشخص معندوش القدرة إنه يتحمل وجع من حد.....إنه يتحمل إهمال....أو زي  ما بيقولوا يتحمل fading out للشخص من حياته واحدة واحدة.....اول ما بتحس إن كل حاجة شفتها زمان بتتكرر....بتبدأ تخاف لا تحس نفس إحساسك تاني....بتدور علي طاقة تزق بيها بس مش لاقي....أصلك شوية الطاقة اللي كانوا عندك فيه ناس خلصوا عليهم.....بتبدأ تزق بطاقة صناعية أصلا مش عندك....طاقة اللي بيولدها خوفك من وجع إنك تخسر الشخص ده....و في نفس الوقت بتسكت خوفك من وجع إنك تخسر نفسك و إنت بتزق لوحدك....حاجة جواك بتقولك كمل زق....مش كل الناس زي بعض....و حاجة تانية جواك بتقولك كفاية زق...تعبت....
يمكن نكون خلصنا طاقتنا بدري علي ناس متستاهلش....أصلها لو كانت تستاهل كان زمانها زقت معانا و الcurve علي تاني.....يمكن نكون ظلمنا ناس تانية إننا مديناهومش فرص زي اللي إديناها للي قبلهم....بس إحنا بشر....و لو متعلمتش من وجع زمان....يبقي تستاهل تتوجع تاني....لو إديت فرص كتير تاني....يبقي تستاهل الناس يجوا عليك.....
من الأخر ....كل واحد مسئوليته إنه يبقي قد الstandards العالية اللي حطها للعلاقة من الأول....مينفعش تهتم حبة و تزهق حبة....هتتشغل أكيد....هيجي وقت و هتزعلوا....بس مينفعش واحد بس اللي يفضل يزق في الcurve لما يقع ....سواء الشخص ده كان بكامل طاقته....أو حد خلصله طاقته قبلك....بلاش تكون السبب في عقدة جديدة هو كان في غني عنها !! قدر الفرص اللي بيديهالك و بيوجع نفسه عشان مش عايز يخسرك....قدر غلاوتك عنده...و إفتكر ديما
"إذا لم تستطع نفع إنسان فلا تضره !! "

فن التحمل !!

"فن التحمل"
مع الوقت المواقف كانت مصرة تأكدلي حاجة واحدة و كأنها أكتر حاجة المفروض أتعلمها في الوقت الحالي ......فكرة انك تتحمل اللي قدامك و هو في أسوأ حالاته.....إنك تتقبل منه أي تلبيخ في الكلام....أي طريقة زفت في المعاملة....أي تقصير.....أي تغيير للأسوأ.....
إنك يبقي عندك القدرة إنك تفهم اللخبطة اللي بتحصل جواه....الدوشة اللي مش عارف يسكتها فبيطلعها عليك.....
إنك تقدر تترجم كل كلمة بيقولها بالمعني الحقيقي اللي هو حاسه مش معناها الحرفي...خوف....احتياج....وجع....أو حتي إحساس هو نفسه مش فاهمه فقرر إنه يشركك فيه يمكن إنت تفهمه....
إحنا بشر....يعني أي حد معرض إنه يقع...إنه يتكسر و ميبقاش عارف يصلح نفسه....إنه يتعب و ميبقاش دريان إنه تاعب اللي حواليه معاه....أو دريان بس من جواه نفسه يقولوله ﻷ إحنا مستحملينك كدة.....
الفكرة كلها إن حقيقة إن إحنا بشر و فينا بلاوي هي اللي  بتحتم علينا إننا نستحمل بعض بكل الوحش اللي فينا....مفيش حد كامل.....و مفيش أي حاجة تديك الحق إنك تحبني و أنا كويسة بس.....
إحنا packages لو قررت إنك هتاخد الpackage دي يبقي خدها  علي بعضها....مينفعش تاخد حاجة و تسيب حاجة.....مينفعش ترجع في كلامك بعد ما قررت إنك تاخدها....
مبدأ "البضاعة المباعة لا ترد و لا تستبدل" رغم إن تشبيه الإنسان بالبضاعة فيها إهانة شوية لكن هو فعلا ينطبق علي البني آدمين و علاقتهم ببعض مع إختلاف مبدأ "البضاعة" بس !!

يعني من الأخر لو قررت إن فلان هيبقي  صاحبك.....وعدته إنك هتفضل موجود معاه مهما حصل....يبقي لازم تفضل قد الوعد ده حتي لو مكنتش مدرك إنت بتوعد بأيه ساعتها !!

قابلت فلانة و حبيتها و حسيت إن هي دي البني آدمة اللي عايز تكمل حياتك معاها....مينفعش بعد شوية تحس إنك زهقت....أو غيرت رأيك عشان شدك الحلو اللي في حد تاني و اللي لسة مشوفتش البلاوي اللي عنده....أصل الناس من بره ديما أحلي !! 

لازم نتعامل مع علاقتنا ببعض علي إنها عقود....ليها بنود معينة و العقد مدته مدي الحياة... مينفعش يتفسخ غير بموت أحد الطرفين....
لازم نحب التوليفة بتاعة بعض....الطيبة و الحنية و الجدعنة علي العصبية و العقد و البرود.....التوليفة دي مينفعش تاخد منها حاجة و تسيب التانية....مينفعش تحب الشخص و هو مبسوط و تكرهه و هو زعلان !!

إحنا محتاجين نتعلم إزاي نحب بعض صح....إزاي نستحمل بعض في أوقات ممكن نكون مش مستحملين نفسنا أصلا....
إزاي تحسس الشخص اللي قدامك إنك بتحبه أوي في أكتر وقت هو حاسس إن محدش هيحبه فيه.....محتاج تكون سند ليه وقت ما يقع....محتاج تدرب نفسك إنك تحتوي الموقف  مهما كان صعب !!
الخلاصة إن أي علاقة صداقة أو حب بتبوظ... بيبقي جزء كبير بسبب إننا كننا مقدسين الشخص اللي قدامنا من الأول....فاكرين إنه كله حلو و مفيهوش ولا غلطة....بس مع الوقت و مع إكتشاف العيوب و زي ما بيقولوا الdark sides بنبدأ نفكر....هو إحنا ليه مش مستحملين اللي قدامنا و هو في أسوأ حالاته؟؟....و الطرف التاني بيبدأ يفكر هو ليه الشخص ده مش بيحبني كفاية إنه يستحملني في كل حالاتي ؟؟؟
إجابة كل واحد إن محدش عرف يحب التاني صح....أو يحبه كفاية....بس  لو بطلنا نقدس الناس في خيالنا هنعرف إزاي نتقبل عيوبهم....هنعرف إمتي نشد الحبل و إمتي نرخيه....و أهم حاجة هنعرف إن مفيش حد بقي فارض علينا "لا ترد و لا تستبدل"....هنبقي مؤمنين بيها لوحدنا !!

نصيحة أخيرة لو ملقتش اللي يستحملك في اسوأ حالاتك....حاول تكون إنت اللي بتستحمل الناس في أسوأ حالاتها....الناس محتاجة اللي يعرف يستحملها....
و صدقني كل واحد يستاهل يكونله علي الأقل شخص في حياته بيحبه علي بعضه....بكل المشاكل اللي فيه !! شخص لما يشوفك متعصب يطبطب عليك و يقولك أنا عارف إنك تعبان ! أنا فاهم اللي جواك !!

Soul existence

I've learnt something through out my life....I've learnt that sometimes being  there is just a matter of soul existence. ....sometimes it's not about material things, huge acts, or a bunch of roses to make them feel you're actually there for them. ....sometimes it's all about sharing silence with them when they don't want to say a word.....being someone who listens when all they need is just to talk..... this hug you share when all they need is just a shoulder to cry on .....  this kind touch making them feel you're actually there.....
it's the soul existence that makes them feel safe when they're going through hard times ........ it's what makes them feel they aren't going through this alone..... ...it's the kind words....the smallest of acts....and when we can't do anything but stand silent....it's the soul existence that makes them feel we're actually there !!

Trade offs

Life is all about trade offs .....once you choose to choose your first preference,  you won't be able to regret not choosing the 2nd one ....you won't be able to go back and choose again.....you will have to take complete responsibility for your choice each and every minute of your life....
This will actually be your  biggest problem.....not in normal situations where saying NO to your second preference is your easiest task.....but actually in rather harder situations when you can't figure out a first preference to choose....situations when choosing will never be for your benefit......when you can't even depend on others' opinion because you perceive things differently, your priorities are different. ...and you can't guarantee that depending on their opinion won't make you regret your choice after a while....

In these situations You'll just have to depend on yourself, ask yourself what matters the most to you ?? And then decide which preference to choose.....even if it felt like you lost a lot by letting go of your second preference. ...you'll always thank yourself for not letting go of your first one.....you'll always thank yourself for being brave enough to say NO to your second preference when  it was hard enough to be said !!

مخنوووق

-مالك؟
-مفيش مخنوق

~طب و إنت شكلك فيك حاجة ؟
~مفيش شوية مشاكل و هتروح لحالها

○ إنت كويس ؟؟
○لا يا عم مش كويس بس أهوه الحمد لله.

هي أيه الحكاية ؟؟ الفترة دي مالها ؟؟ ليه كل أما تقابل حد يا إما تحسه مهموم يا تعبان يا فيه حاجة خنقاه و ساكت.....أيه اللي حصل ؟؟ طب إحنا متفقين نتخنق سوا او حاجة ؟؟ ماهو أصل فيه حاجة مش طبيعية..... و لا أيه ؟؟

طب هو مبدأيا كدة تصحيح مفاهيم بس.... إنك تلاقي كذا حد تعبان في الدنيا دي حاجة طبيعية و ظاهرة عادية جدا.....يمكن اللي محسسنا إنها مش طبيعية بس هو إن كله تعبان في وقت واحد....بس في الأخر هي دنيا....لو كنت مرتاح فيها يبقي فيه حاجة غلط !! الدنيا مش مكان للراحة....إحنا مجرد بنعافر فيها عشان نخلي حياتنا "شبه" كويسة لحد ما نمشي منها علي خير !

طب أيه اللي خانق الناس ؟؟ هل هي حاجة واحدة ؟؟ ولا كل واحد عنده اللي يخنقه و زيادة ؟
الحقيقة إن المناخ العام يدعو أي حد متفائل إنه يكتئب....البلد بقت تقرف بكل حاجة فيها...
طب أكيد مش كلنا مخنوقين بسبب البلد!
أه أكيد طبعا....كل واحد عنده مشاكله و حياته اللي ساعات بتبوظ لدرجة إنه بيحس إنها مش هتتعدل تاني أبدا.....ممكن تكون إبتلاءات كتيرة ورا بعض فالواحد بقي متنح....مش عارف يتحرك و يلحق نفسه ....سايب نفسه كدة للدنيا تبهدل فيه براحتها و هو مش معترض....ﻷنه مبقاش عنده طاقة حتي إنه يعترض !!
بس علي الرغم من إن ساعات الإبتلاءات بتطول و بتقضي علي طاقة البني آدم خالص في إنه يقاومها....إلا إن فيه جملة أنا مؤمنة بيها جدا
"Allah gives his hardest battles to his strongest soldiers "

الفكرة بس في إننا ندرك إننا نمتلك القوة دي....القوة اللي بتخلي ربنا يقدرلنا إننا نقع كتير لحد ما نعرف إزاي نقوم.....القوة اللي مهما حد قالك إنها جواك مش هتصدقه....بس صدقني جرب تصدقه و هيجي اليوم اللي مش هتندم فيه إنك صدقته....اليوم اللي هتلاقي نفسك قمت من تاني بعد ما كنت فاكر إنك خلاص بقيت نصف ميت !!