عن الصور

و أفضل أسأل نفسي هي ليه صورنا القديمة ليها تأثير كبير علينا كدة.....ليه أما نشوفها ممكن نعيط.....يمكن عشان بتفكرنا بلحظات حلوة نفسنا نعيشها من تاني....و لا يمكن عشان فيهم ناس مبقوش في حياتنا فبيوحشونا أما بنشوف وشوشهم من تاني. ...يمكن بنفتكر أوقات في حياتنا كانت حالتنا أحسن من دلوقتي....و لا يمكن بنتمني نرجع بالزمن لورا قبل ما كننا نضطر نعيش حاجات كتير مكنش نفسنا إننا نعيشها.....
يمكن صورنا و إحنا أصغر بتحسسنا قد أيه الحياة قبل ما نكبر كانت أبسط.....و لا يمكن بنزعل إننا مش عارفين نفرح نفسنا زي ما كننا في الصور دي....
يمكن بنكون بقالنا كتير محتاجين لحظات زي اللي في صورنا....يمكن بنعيط عشان الصور دي لمست إحتياجنا ده و فضحته.....
أوقات كتير بتكون الصور سبب بهجة .... و في الغالب لما بتكون حالتنا قريبة من حالتنا ساعة ما اتصورنا الصور دي أو يمكن أحسن ....أو لما بيكون فيها ناس لسة موجودين في حياتنا و بنفس القرب .....
لكن للأسف ساعات كتير صورنا القديمة بتكون سبب تعب لينا....يمكن بسبب كل الحاجات اللي قلناها....و يمكن بسبب حاجات تانية إحنا نفسنا مش هنبقي فاهمنها....المهم إن الصور مهما إختلف إحساسنا و إحنا بنتفرج عليها فهي ديما بتأكدلنا إننا عيشنا أيام حلوة....حتي لو كانت أحلي من أيامنا اللي عايشنها دلوقتي....فمجرد وجودها في الذاكرة ساعات ممكن يكون سبب كافي إننا نستني نعيش زيها من تاني !

NEW YEAR !! NEW ME ???!!!

-كل سنة و انت طيب
-بمناسبة إيه؟
-السنة الجديدة
-إنت مقتنع باللي انت بتقوله ؟؟
-قصدك ايه ؟؟
-طب إنت عمرك فكرت هي السنة الجديدة دي بتزود في عمرك و لا بتنقصه ؟
-يعني إيه؟؟
-يعني بتقرب و لا بتبعد؟ 
-أنا مش فاهمك بصراحة
-ولا عمرك هتفهم !!

بقالنا كتييير أوي بنحتفل بالسنة الجديدة....و نفرح و نتمني و نقعد نقول "plzz be good".....بقالنا كتيير شايفين السنة الجديدة علي إنها زيادة في العمر...مع إننا لو فكرنا للحظة هنلاقيها بتنقص عمرنا.....بنقرب للنهاية مع كل سنة جديدة....عماليين نقرب نقرب و إحنا مش واخدين بالنا.....و في نفس الوقت عمالين نبعد عن ربنا....و إحنا برضه مش واخدين بالنا....طب و أخرتها ؟

-ايه يا عم انت مالك نكدي كدة ليه....دي سنة جديدة و كل سنة  و انت طيب و كدة....و بعدين إحنا عاقلين كفاية إننا نبقي دريانين وقت ما نبعد عن ربنا و نلحق نفسنا قبل ما نقع في الغلط !

-نلحق نفسنا؟؟ أمال بنعمل معاصي إزاي لو إحنا علي طول بنلحق نفسنا؟؟ الشيطان أما بيجرنا لمعصية بيقولنا قبليها إنه بيجرنا و لا بنتجر و إحنا مش حاسيين !! نفسنا الآمارة بالسوء....الكسل في الطاعات....تأخير الصلاة.....إلخ......إحنا مليانين بلاوي بس إحنا اللي مش راضيين نصدق إنها موجودة فينا !!

المشكلة إننا مع بداية كل سنة جديدة بنقعد نقول في شعارات new me و نقعد نوهم نفسنا إن أول ما الساعة تدق 12 هنلاقي نفسنا إتحولنا ﻹشخاص جداد...مع إننا زي ماحنا و الحال هو الحال و نفوسنا هي نفوسنا يبقي هيجي منين التغيير ؟؟ من كلمتين علي fb و لا من سنة زادت في التاريخ عالmobile.....

هتقولي مانا حاولت أتغير قبل كدة بس معرفتش....هقولك عشان باديها غلط.....عشان تتغير للأحسن يبقي إبدأها مع ربنا الأول.....أبدأ بداية سليمة مع ربنا و هتلاقي نفسك تلقائيا بتتغير للأحسن .

-طب و هو ربنا هيقبلني ؟؟ هيقبلني بكل البلاوي اللي إنت لسة قايل فوق إنها فينا.....هيقبل توبتي؟؟ ده انا ساعات بزعل من نفسي أوي إني مقصر معاه و هو علي طول ساترها معايا....ساعات بحس إني صغير اوي أما بلجأله في الشدة بس....بحس إني محتقر نفسي و إن لا يمكن ربنا يسامحني !

طب و لو حلفتلك إنه هيسامحك؟؟ المشكلة إننا ديما بنتمسك بالغلط لمجرد خوفنا إننا منعرفش نصلحه....يعني بدل ما نفكر في طريقة نصلحه بيها بنفضل واقفين عند الخوف....سواء خوف من نفسنا إننا نرجع تاني لنفس الغلط....أو خوف من ربنا إنه ميقبلناش....أو خوف من القوة اللي هنبقي محتاجنها عشان نجاهد نفسنا....المهم إننا بنفضل مقيدين نفسنا بقيود الخوف و نفضل واققين عند نفس النقطة مبتتحركش !

بس ثانية بقي كدة....احنا ازاي خايفين ربنا ميقبلناش؟؟ هو أنت عمرك ما قريت الآيات دي :

《قل يا عبادي الذين أسرفوا علي أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم 》

《 يا أيها الذين آمنوا توبوا إلي الله توبة نصوحا عسي ربكم أن يكفر عنكم سيئاتكم و يدخلكم جنات تجري من تحتها الأنهار.....》

《 و من يعمل سوءا أو يظلم نفسه ثم يستغفر الله يجد الله غفورا رحيما》

《 و إذا جاءك الذين يؤمنون بآياتنا فقل سلام عليكم كتب ربكم علي نفسه الرحمة أنه من عمل منكم سوءا بجهالة ثم تاب من بعده و أصلح فإنه غفور رحيم》

《إن الله لا يغفر أن يشرك به و يغفر ما دون ذلك لمن يشاء》

《إلا من تاب و آمن و عمل عملا صالحا فأولئك يبدل الله سيئاتهم حسنات و كان الله غفورا رحيما》

《ألم يعلموا أن الله هو يقبل التوبة عن عباده》

《ولا تيأسوا من روح الله إنه لا ييأس من روح الله إلا القوم الكافرون》

أقول كمان؟؟ ولا كفاية دول....حسيت بأيه و انت بتقراهم؟؟ أصلك مجتش هنا الpost ده بالصدفة....مكملتوش للأخر بالصدفة....و لا طلعلك في الnews feed بالصدفة.....كل حاجة مترتبة....كل حاجة مكتوبة عند ربنا....أكيد ربنا وحشه صوتك في الدعاء و انت بتدعيه إنه يغفرلك... فخلاك تيجي و تقرأ عشان ترجع تتوبله من تاني !

ها؟؟ خلاص قررت؟؟ قررت إنها هتبقي بداية جديدة بجد ؟؟ بداية فيها تغيير للجوهر ؟ قررت هتغير من جوا قبل برا ؟؟ قررت إنها هتبقي سنة جديدة مع ربنا قبل أي حد ؟ قررت متخليش عمرك يضيع من غير ما تملي صحيفتك باللي تحب انك تشوفه....
نصيحة:  أوعي تضيع الفرصة....أوعي تخرج من الpost زي ما دخلته.....حط أهداف لنفسك السنة دي....إشتغل و إتعب و عافر لحد ما توصلها....ابدأ صفحة جديدة مع ربنا....و إستمد قوتك ديما منه و من علاقتك بيه... إصلح من نفسك و من اللي حواليك.....و متيأسش مهما الطريق كان صعب ربنا ديما قادر إنه يسهله من تاني.....صدقني ساعتها بس هتبقي مقتنع بيها و انت بتقولها "happy new year " 

الحجاب...طرحة أم سلوك ؟

من فترة كبيرة جدا تقريبا في بداية حجابي من 3 سنين....حصل معايا موقف بيحصل مع كل البنات و يمكن كل يوم كمان و الموقف كان إني "إتعاكست"
عادي ناس كتير ممكن تشوف إيه المشكلة في كدة؟؟ ما ده بيحصل معانا كل يوم.....ايه يعني إتعاكستي ما فيه منقبات و بيتعاكسوا.....طب ايه الجديد يعني؟؟

الفكرة إنك أما بتبتدي تبص للغلط علي إنه مبقاش غلط لمجرد تكراره ده يبقي أكبر غلط....مش معني إن المعاكسات بتتكرر يبقي ده صح....و مش معني إن المعاكسة من طرف الراجل يبقي البنت بيسقط عنها الغلط....
طبعا أنا دلوقتي سامعة ناس كتير مش طايقاني....و أزاي يعني البنت غلطانة....هو اللي مترباش !!

طب بالراحة كدة....هنتكلم بالمنطق...زي ما أي دستور في العالم بيقول إن أي مواطن ليه حقوق و عليه واجبات....يبقي مينفعش أما يحصل غلط أقول الغلط كان متعلق بجزء "الحقوق" بس و اتغاضي عن جزء "الواجبات".....يعني من الأخر زي ما ربنا أمر الرجالة إنهم يغضوا البصر....أمر الستات إنهم يلتزموا بالحجاب....و الحجاب اللي ربنا أمرنا بيه مش بمفهوم الحجاب المنتشر دلوقتي "طرحة" و أفضل ألبس نفس لبسي قبل الحجاب....الحجاب هو ما لا يصف و لا يشف ! يعني ال leggings مش حجاب....الshefon اللي مش تحتيه بطانة مش حجاب.....الturbon مش حجاب !!

مش جاية أعقد الناس ولا أقولهم كل حاجة بنعملها حرام !! ﻷ خالص....بس الفكرة كلها في "التذكرة"....
《ذكر فإن الذكري تنفع المؤمنين》

المشكلة إننا كبنات مش بنحاسب بس علي الرجالة اللي بنفتنهم بلبسنا الملفت...بنحاسب كمان عن البنات اللي زينا اللي بنفتنهم برضه....هتقولي منين هما بنات و منين بنفتنهم؟؟ هقولك ﻷن أما بنت تبقي بتحاول تلبس لبس ملتزم و تشوف كل اللي حواليها مش لابسين كدة هتبدأ تتفتن....و تبدأ تدخل في دوامة  《و إن تطع أكثر من في الأرض يضلوك عن سيبل الله》

الموضوع مش موضوع لبس بس.....الموضوع موضوع سلوك....محجبات كتير دلوقتي سلوكهم لا يتناسب خالص مع كونهم محجبات.....اللي بتشرب سجاير و اللي بتشرب شيشة و اللي علاقتها بالولاد منفتحة زيادة عن اللزوم....طب هل ده ينفع ؟؟ هل حجاب "الطرحة" اللي في مجتمعنا دلوقتي هو ده اللي ربنا أمرنا بيه؟؟ هل يوم القيامة هنحاسب إننا كنا محجبات كدة؟؟ هل ينفع ربنا يؤمرنا نصلي الظهر 4 ركعات فإحنا نصليه 2 ؟؟ الفكرة وصلت؟

الفكرة التانية اللي عايزة أوصلها هي "تصحيح مفاهيم".....مش معني إن البنت محجبة صح و لابسة طويل و واسع أنها متعرفش الموضة و لا تعرف تلبس زي بقية البنات . بالعكس البنت دي يتبقي عارفة كويس أوي الموضة و تقدر تلبس زي البنات كلها بس هي اللي مش عاوزة.

.الحقيقة إن البنت دي قوية أوي من جواها و ربنا قدرها أنها تبقي شايفة كل ده حواليها بس فضلت أنها ترضي ربنا علي أنها ترضي الناس اللي حواليها . البنت دي من النوع اللي مرضاش يتحجب حجاب طرحة !!

أصل لما المجتمع اللي حواليها يبقي بيعتبر التمسك بالدين و المبادئ تشدد و رجعية ، يبقي لازم هي تتمسك بمبادئها أكتر و أكتر و تثبت للناس كلها أنها مش رجعية و لا متشددة . لازم تثبت للناس كلها أنها انسانة ناجحة في حياتها و إن التزامها عمره ما كان عائق لنجاحها  ، لازم تثبت للناس كلها إن الالتزام عمره ما كان دليل عالتخلف أو الرجعية بالعكس دة قمة الرقي الفكري انك تحافظي علي نفسك من عيون الناس و متديش لحد الحق انه يشوف حاجات مش من حقه انه يشوفها . لازم تثبتي للناس كلها انك مش مخنوقة من اللي بتعمليه.... بالعكس انت مبسوطة انك بترضي ربنا و فضلتي رضاه علي أي حد .

أصل المشكلة إن فيه ناس كتير مش فاهمة الحكمة من فرض الحجاب عشان لو فهموما مكنوش قالوا عنه انه  تقييد لحريتهم . لو عرفوا إن ربنا عاوز يعزنا و يحمينا و يحافظ علينا ، لو عرفوا إن ربنا بيغير علينا و ميحبش إن حد يبصلنا أو يضايقنا ، لو عرفوا إن أجسامهم دي مش ملكهم و أنها ملك اللي خلقنا و أننا لازم نحافظ عليها و منخليهاش فرجة للناس كلها ، يمكن ساعتها بس يبقي عادي انك تشوف بنت ملتزمة في الشارع و متستغربش و لا تقول عاملة في نفسها كده ليه دي هي متعرفش جيلها بيلبسوا ايه !! يمكن ساعتها منعتبرش اللي بتحط حدود في تعاملها مع الولاد و لا سلوكها ملتزم معقدة و مش عايشة سنها !! 

.حاجة أخيرة أحب أقولها لكل واحدة بتحاول تلتزم في حجابها....لازم تكوني دائما فخورة باللي انت بتعمليه و فخورة بالتزامك مهما الناس عارضتك أو حسستك إن شكلك غريب . جاهدي المجتمع اللي حواليكي و قبل كل ده جاهدي نفسك و إفتكري ديما إن أعظم جهاد هو جهاد النفس !!

Stop overthinking

So have you ever spent a night thinking too much to the extent that u coudln't sleep ?
Have you ever had this feeling of "please mind stop doing this to me"?    Have you ever kept wondering  during a very tough part of your life "how would I manage to survive all this !"
The million times you said "I'm tired of thinking".....the headache, fast heart beats and hard breathing u suffered from every time you're worried or afraid that things might go wrong  !!
This hard feeling you get when you need to stop this non-stop working  machine in your head but you can't !! Those moments of break downs , obsession or  extreme anxiety that you wish you never had to live  !!
So welcome to the world of overthinking !! Welcome to all the suffering ! All the sleepless nights!! and all the silent screams that never knew their way out of your heart !!

You may have gone through all this suffering  and maybe you will still have to go through more of it !!
But in the end.... It's your choice ...it's you who choose whether to live in this world of overthinking and have a ruined life.....or just get yourself out of all this shit and enjoy a peaceful one !!

So Just Stop overthinking
you definitely don't want to ruin your life   !!

Acts of kindness !

Too often we underestimate the power of a hug....a kind word....a small gift.... a word of support...."Douaa" for each other ....or even the smallest acts of kindness ....we always see them as so trivial to leave an impact in other people's lives ....however these little things can  actually affect us more than we can ever imagine....it's not because we're trivial or we care about small details....it's just because of the fact that these acts reflect how much people who do them do care to make us feel better....they reflect how these people try everything even if they think it wouldn't work....they reflect how these people can feel what we always try to hide.....those little acts can actually save a person from breaking down at a moment of weakness .....those little acts can pull someone up before he would give up to depression. ....those little acts can actually turn a life around just if we realized how powerful they could be !!

Because at some point........

Because At some point we don't  have the power to forgive....we don't have the power to move on....or to act normally like nothing is going wrong.....

because at some point we lose our faith in people....we mute our inner voice that used to tell us "one day they will change to the better".....we feel indifferent.....we feel hopeless !

Because at some point we stop holding on to things that have  always been a source of our misery. .....we stop holding on to people who are professionals in doing what hurts us.....
Because at some point it feels ridiculous to blame....to say you're tired....to make them know how bad it feels like.....or to make them understand that they are just losing you !!
Because at some point we no longer feel comfortable with people....we don't even feel comfortable when we're all alone.....we reach that point of "discomfort"......we can no longer find something or someone who can get us out of all this !!
When we reach this point....it becomes so hard to hide what we feel.....it becomes so hard to pretend like everything is going well....
When we reach this point. ....we tend not to talk about what we feel....we always tend to escape from people asking what's wrong.....we always tend to freak out if someone noticed us while we were about to break down !!
It seems good to stay strong....to act like everything is ok even if it's not.....but staying always strong is sometimes not an option.....sometimes we lose our ability to stay strong....to bear what we used to bear. ....or to believe that those people who got used to hurting us can actually stop doing this   oneday !!

Because we never know !!

We didn't know the moment we wished to grow old....that growing old would bring us all these hard moments  !!
Because we never know.....and actually will never do !!
u will never know what will happen tomorrow. ......u will never know how u would feel.....u will never know how long u will live.....or  how hard life  might get oneday.....u will never know !!
The moment u wished u would grow old....life seemed so bad then.....life seemed so boring.....u felt at this moment that growing old will bring u all the fun....all the outfits u weren't allowed to buy ....all the outings u didn't have permission for .....and all the good feelings of independence and freedom......but u didn't think at this moment that when u grow old life wouldn't seem as perfect as it used to do !! U weren't able to see this other side of "growing old".....this side of disappointments. ....pain....and hardship.....this side that made u know the truth of life. .....the truth that life will bring u down a lot.....and that life isn't as joyful as we thought when we were young......the truth that childhood was the best part of our lives....and that growing old would force us to live moments we never wished we would come to live .....but we didn't know then... that we would come to live that day when we would say these words ....we didn't know then that the picture was still incomplete.....because we never know and actually will never do !!

نور وسط الضلمة !!

بس خلينا متفقين...إن في وسط كل الزحمة و الخنقة و الإرهاق...فيه حاجات حلوة بتهون....زي تهييسك مع صحابك بعد يوم متعب و مش شايفين قدامكوا من التعب بس لسة عارفين ازاي تضحكوا.....زي حد كان واحشك بقاله كتير و تشوفه صدفة فتبتسم و تفرح إن ربنا خلاك تشوفه.....زي حاجة كنت خايف منها و شايل همها أوي فربنا يطمنك و بعدين تعدي علي خير و يهدي بالك !! أو زي دعوة حلوة حد يدعيهالك فجأة و تفضل مبتسم بسببها بقية اليوم !!
أه يومنا بيبقي فيه حاجات وحشة...و أه ساعات فيه أيام بتبقي لا تحتمل....بس خلينا متفقين....إن وسط كل يوم وحش و لا يحتمل....وسط كل حاجة صعبة و بتعافر فيها....وسط كل موقف خايف منه و بتقول يارب و انت بتعيط....فيه أمل....فيه نور....في رسايل ربنا بيبعتهالك في الشخص اللي بتقابله صدفة....في الشخص اللي بيدعيلك....في الضحكة اللي بتطلع وسط زعل كبير....بيبعتهالك عشان يقولك متقلقش...أنا مش هسيبك تقع....بيبعتهالك عشان يقولك "إن مع العسر يسرا"....مش بعد العسر...ده معاه....و هو ده اللي بيخلق جوانا القدرة إننا نتحمل....إننا نعدي....إننا مهما كننا تعبانين و شايفين الحياة ضلمة لسة بنقول يا رب أملنا فيك كبير !

نعمة "دوام الحال من المحال"

كل واحد بيبقي في حياته تواريخ معينة حصل فيها أحداث أثرت فيه....كل تاريخ من دول بنستناه من السنة  للسنة و إحنا متخيلين إن في ذكري التاريخ ده هنبقي حاسيين نفس الإحساس....هنبقي نفس الشخصيات و هتبقي حياتنا نفس الحياة....لكن مع كل سنة بتعدي بنكتشف إن التواريخ دي وقعها علينا بيبقي مختلف تماما. ..لو ذكري حزينة بنلاقي نفسنا بقينا أقوي من الأول ....و لو ذكري حلوة بنلاقي الفرحة و الحماس اللي جوانا ابتدوا يقلوا عن اليوم اللي حصل فيه الحدث ده....أما لو ذكري حلوة بس إتحولت بعد كدة لحاجة  وحشة بنلاقي نفسنا مش عايزين نفتكر التاريخ أصلا و بنحاول نعدي و نعمل ناسيين !
المهم إن مع كل ذكري من دول، و مع كل سنة بتعدي علي تاريخ كان مؤثر في حياتنا...بنكتشف إن الوقت بيغير فينا حاجات كتير....حاجات مكناش متخيلين إنها هتتغير  فينا و إحنا بنعيش اللحظات دي نفسها....مكناش متخيلين إن لما تيجي ذكري وفاة حد عزيز علينا هنبقي أقويا للدرجة دي....مكناش متخيلين إن في ذكري لتاريخ  حلو أوي في حياتنا  مش هيبقي جوانا نفس البهجة بتاعة زمان.....مكناش متخيلين إن فيه لحظات حلوة من اللي عيشناها هتتحول لذكريات وحشة بعد كدة !! مش معني كدة إننا بنتغير للأسوأ.... و لا معني كدة إننا المفروض نتجنب التفكير في الذكريات حتي لا نصطدم بالواقع ....لكن الحاجة الوحيدة اللي المفروض نتعلمها هي حقيقة  إن الوقت بيغير....بيغير في الإنسان و في مشاعره....بيغير في  قوته....بيغير حتي في الذكريات و حلاوتها أو وحاشتها...عشان تتأكد إن مفيش حاجة بتفضل علي حالها و إن ساعات دي بتبقي أكبر نعمة بالنسبة لنا..."نعمة دوام الحال من المحال"....بس للأسف إحنا اللي بننسي نفكر نفسنا إحنا كننا فين ساعة التاريخ ده  ....و بقينا فين في الذكري بتاعته !!

الخوف...و ما أدراك ما الخوف !!!

الخوف !! الخوف من تجربة جديدة...الخوف من التعلق....الخوف من الحلم....الخوف من انهيار  التوقعات....الخوف من الفشل....الخوف من عدم التأقلم علي حالة جديدة....الخوف من الوحدة.....الخوف من الوجع.....الخوف من البعد....الخوف من الموت....الخوف من بكرة....من المستقبل....من الحب...من الحنين....من حياة ملهاش قيمة و لا معني !! الخوف و ما أدراك ما الخوف !!

كلنا بلا إستثناء بنخاف....بنخاف من حاجات كتير أوي....منها حاجات مادية و منها معنوية...بس كل واحد فيه اللي بيخوفه ...المهم إننا لو إجتمعنا كلنا علي حاجة في الآخر... هتبقي حقيقة إننا بنخاف !! و إن مفيش حد كبير عالخوف !!

طب الخوف ده مصدره ايه؟؟ أو بمعني أصح إحنا بنخاف ليه؟؟؟ و ليه من الحاجات دي بالذات؟؟ لو مش كلنا مجتمعين عاللي بنخاف منه يبقي معني كدة إنها حاجات مش متفق عليها إنها بتخوق....يبقي ليه إحنا... ليه بنخاف منها....و ليه مبنخافش من الحاجات التانية اللي غيرنا ييخافوا منها....و ليه غيرنا ييخافوا منها !! أسئلة كتيير بس ليها إجابة !!

الخوف ليه مصادر كتير...إحنا يا إما بنخاف من حاجات "تشبه" حاجات حصلتلنا قبل كدة و وجعتنا...و لا أعني ب"وجعتنا" إنها حاجات عاطفية بس....لكن ممكن يكون فشل وجعك أوي و كسرك...ممكن يكون موت حد عزيز عليك خلاك تخاف من الموت بقية حياتك....ممكن حلم جميل اتعلقت بيه و لما نزلت علي مفيش حرمت تحلم.....و ممكن يكون شخص كسرك فخوفك من التعلق بأي شخص بعد كدة !!

و النوع ده من الخوف بيبقي مرهق جدا للنفس....بنتعب جدا كل أما بنحس بس إن حاجة زي اللي وجعتنا قبل كدة دي علي وشك إنها تحصل تاني !! بنخاف إننا نمشي في أي طريق ممكن يؤدي بينا لنهاية تشبه لأي نهاية وحشة من اللي عيشناهم !!

خلصنا من أول نوع....طب النوع التاني ايه؟؟ النوع التاني بيبقي خوف بدون سابق تجربة...و ده بيبقي سببه إن مفيش نتيجة معروفة بالنسبة لك للحاجة اللي انت داخل عليها....أو فيه نتايج معروفة  بس كلها  نتايج  لتجارب ناس تانية غيرك فخايف تطبقها علي نفسك لا نتيجتك انت تطلع مختلفة  !!

و ده زي الخوف من الإرتباط....الإنفصال....الدخول في شغل جديد....التعرف علي ناس جديدة....خوفنا قبل ما ندخل الجامعة....إنك تخوض تجربة هتخليك تعيش حالة جديدة مش عارف هترتاح فيها ولا ﻷ...الخوف من الموت بسبب انك مش عارف انت داخل علي ايه ....الخوف من المستقبل....من بكرة...فهو الخوف من كل ما هو جديد و مبهم و نتيجته مجهولة  بالنسبة لك ﻷنها تجربتك الأولي معاه !!

النوع ده من الخوف بيبقي في ظاهره أقوي من النوع الأول....لكن في الحقيقة هو أكتر نوع من الخوف بنقدر نتغلب عليه....ﻷنه ملوش أساس قوي...إحنا خايفين أه...بس لو دورنا جوانا شوية هنلاقي إن مفيش حاجة تؤكدلنا إن النتيجة السيئة هي اللي هتحصل...و إن فيه إحتمال 50% إن النتيجة الكويسة هي اللي تحصل....و عشان كدة في معظم الوقت ينتغلب عليه...و بنعدي !!

طب النوع التاني ؟؟ النوع المرهق ؟؟ و لا أقولك.. ما  الخوف كله مرهق للنفس...
الخوف مجرد إحساس مزيف إحنا اللي بنخلقه جوانا أو بنسمح للظروف إنها تسيبه يتولد جوانا....و يا بيفضل عايش معانا طول العمر....يا بنعرف نتغلب عليه مهما كانت قوته !! الخوف عامل زي الشيطان...بيفضل يزن عليك لحد أما يشوفك بتتأذي....بس زي ما بأيدينا نسكت زن الشيطان....بأيدينا نسكت زن الخوف....ﻷنك  لو مسكتش الزن بتاعه...هيعرف إزاي يؤذيك !!

السعادة في كونك مختلف !!

الموضوع بدأ بفكرة.....فكرة بس خايف تطلع للنور لا يقولوا عليا مجنون !! فكرة مليانة شغف !! فكرة اتولدت عشان تحقق حلم !! حلم إنك تكون مختلف ! إنك يوم ما تمشي من الدنيا الناس كلها تفتكرك بالخير ! حلم إنك تسيب بصمة في حياة كل حد يعرفك ! حلم إنك تبقي "غائبا حاضرا" !!

كلنا في سن الجامعة بنبدأ نحلم بحياتنا في المستقبل....عايزينها شكلها ايه....عايزين نحقق ايه...بس قليل أوي مننا أللي بيفكر "أنا عايز أعمل ايه في حياة اللي حواليا؟" .... "عايز الناس تفتكرني بأيه ؟؟".....

الفكرة طلعت من خوف لخوف تاني !! طلعت من خوف لا يجي يوم الحساب و الاقيني بتسئل  "عن عمره فيما أفناه؟" و معرفش أرد أقول أيه  ....و طلعت لخوف تاني و هو خوف لا الدنيا متساعدنيش اني أحقق اللي بحلم بيه !!

بس كنت شايف إن هدفي ديما أكبر من أني أستسلم لصعوبات الدنيا !! هدفي أسمي من أني اتنازل عنه !! هدفي لازم أفضل أعافر عشان أوصله مهما كان الطريق مليان مطبات !!

خلصت الحكاية !! أو أستني كدة...دي لسة بتبتدي !! حكاية حلمك و حلمي و حلم كل الناس....حلم إنك تكون مختلف....مش شرط اختلافك يكون ديما في نجاحك الملاحظ في العلم أو العمل ....لكن أكيد هتكون مختلف لو حاولت تسيب بصمة بعلمك أو بعملك ....لو حاولت تعمل فرق في حياة اللي حواليك....لو ديما و انت بتحلم بقيت بتحلم لغيرك معاك !!
السعادة الحقيقية في كونك مختلف....مش عشان تتميز عن الناس و تظهر بينهم....لكن عشان يوم أما تسيب الدنيا دي تلاقي الناس بتحكي عن عمرك فيما أفنيته !!

هل الألم جزء من السعادة ؟؟

"فالأمور التي تسبب السعادة تحتوي في الغالب علي مقدار من الألم"
ألم ؟؟ سعادة تحتوي علي ألم؟؟ طب ازاي؟؟
كتير مننا فاكرين ان السعادة معناها اني أفضل فرحان علي طول....محسش بألم ابدا....و لو حسيت يبقي أنا مش سعيد....لكن في الحقيقة انك لو محستش بألم يبقي انت مش عايش....مش "مش سعيد" !!

كان في تحدي كدة اسمه  "happy days100 "  كان الهدف منه انك تتحدي نفسك انك تقدر تكمل 100 يوم و انت سعيد !!
الحقيقة ان التحدي ده الناس كانوا فاهمينه غلط....كانوا فاهمين ان "سعيد" يعني مزعلش خالص خلال ال100 يوم....معيطش....محسش بإحتياج....متخنقش....محسش بأي نوع من أنواع الوجع..... لكن الحقيقة إن التحدي كان الهدف منه إنك تتعلم إزاي تتعايش مع وجعك.....و إزاي تتغلب عليه مهما كان تعبك !!

طب استني كدة يا عم ....خلينا واقعيين شوية ....مش كل الوجع نقدر نتغلب عليه.... آه ممكن نتعايش معاه....بس في الحقيقة بنبقي "عاملين" نفسنا عايشين....لكن من جوانا تعبانين جدا....ييقي لو حاولنا نتغلب عليه هنبقي من الأخر بنضحك علي نفسنا....ﻷن الواقع ييقول إن محدش ييقدر يتغلب علي وجعه بالسرعة دي !!

كلام مظبوط....و يمكن هو ده اللي نفسي أوصله....فكرة إن "الوجع جزء من السعادة"....مش معناها إنك تعدي الوجع ده بسرعة أو تعمل نفسك مبسوط عشان تفضل عايش في دور "المبسوط"  قدام الناس.....لكن هي في الحقيقة معناها إن وجود الوجع أصلا كجزء من حياتك هو اللي بيخليك تحس بالسعادة بعد كدة أما تيجي....ﻷن ببساطة لو حياتك ماشية برتم واحد هتحس بزهق.....مش هتحس بطعم السعادة اللي بتحس بيه بعد وجع كتير....ﻷن وجود نفس الشعور جواك لفترة طويلة تخليك  متحسش بحلاوته بعد فترة......

هتقولي طب ما الجنة مفيهاش زعل...مفيهاش وجع ولا ظلم....يبقي معني كدة إننا هنزهق؟؟ حد هيزهق في الجنة؟؟؟ يا عم قول كلام غير ده !!
طبعا كلام مش مظبوط....ﻷن مفيش حاجة اسمها زهق في الجنة.....مينفعش أصلا تقيس الجنة بمقاييس الدنيا....الجنة حاجة تانية......حاجة متخطرش علي خيالك أصلا.....و هي دي اللي هتحس فيها بمنتهي السعادة الخالية من أي ألم !!

لكن في الدنيا بقي لازم هتعدي بوجع وانت في طريقك  للسعادة....وانت بتحاول تنجح و بتفشل 99 مرة ، في المرة المية هتنجح و هتحس بالسعادة ...مش عشان كان حظك حلو أخر مرة...بس عشان فشلك في ال99 مرة علمك إزاي تعرف تنجح !!....وصلك للسعادة.....
الست أما بتبقي حامل و الألم اللي بتحس بيه خلال الحمل و ساعة الولادة و ما بعدها من تعب و إرهاق و قلة نوم.....مع أول نظرة في عين ابنها و أما بتلمسه بس بتحس إنها نسيت أي وجع.....أما يكبر و يبقي ضهرها اللي بتتسند عليه بتحس  بسعادة رهيبة.....سعادة عمرها ما كانت هتحس بيها لو ممرتش بوجع الحمل و الولادة.....

عشان كدة لو كنت فاكر  إنك أما تتفادي اي حاجة فيها وجع من جواز  ولا حمل ولا معافرة مع هدفك لحد أما توصل عشان تفضل عايش مبسوط  تبقي غلطان !! لازم تعدي بكل ده عشان توصل للسعادة....لازم تؤمن بمبدأ
"أن الأمور التي تسبب السعادة تحتوي في الغالب   علي مقدار من الألم"
لازم تتألم عشان تحس بالسعادة  !!